Այսօր «Փաստարկ» ակումբում քաղաքագետ Սերգեյ Շաքարյանցը նշեց, որ իրեն բարկացրել է այն, որ Հայաստանում որոշ ուժեր կոչ են անում սիրիահայերին հայրենադարձ անել. «Փոխանակ բանակցություններ վարեն Ռուսաստանի, ԱՄՆ-ի հետ, որ երաշխիքներ տան գոնե այն քաղաքներում, որտեղ մեծ թվով հայեր են բնակվում, հրոսակախմբեր չուղարկեն, պարապ նստած՝ ասում են հայրենադարձությունն ապահովենք»:
Անդրադառենալով ցեղասպանության թեմային, որ Ֆրանսիայի կողմից զուտ շա՞հն է խոսել, երբ ցեղասպանությունը ժխտող օրենսդրության ստեղծման համար քայլեր արեց՝ նա ասաց. «Թուրքիան ու Ֆրանսիան, իհարկե, վերջին 2 շաբաթվա ընթացքում մտերմանալու շատ քայլեր են արել: Կարծես թե Օլանդը հետ է կանգնում իր նախընտրական խոստումներից: Ճիշտ չի սպասել, որ Ֆրանսիան մոտակա կիսամյակում որեւիցե մի քայլ կանի»:
Ղարաբաղյան հարցի հետ կապված ասաց, որ միջնորդները նոր առաջարկություններ չունեն, ինչ որ հաստատվեց՝ այն է. «Մենք տեսնում ենք, որ հայտարարվում է այն, ինչ եղել է միշտ՝ ոչ ավել, ոչ պակաս: Որեւէ մեկը իշխանական թե ընդդիմադիր ճամբարից թող ինձ ապացուցի, որ հնչել է կոչ կամ խոստովանում, որ կա պատերազմական ճանապարհով հարցի լուծում: Ինչ անդրկուլիսների հետեւում է կատարվում՝ դա ուրիշ հարց»:
Ինչ վերաբերում է Ադրբեջանի դիվերսիոն գործողություններին, ըստ Շաքարյանցի, դա արվում է դրսի ուժերի համար. «Ալիեւի վարչակարգը այդ դիվերսիաներով ուզում է ապացուցել, որ իզուր չենք այսքան զենք գնել, ցույց են տալիս, թե մենք մի բանի պատրաստ ենք, բայց ինչի՝ չեն կարող ասել»:
Կարդացեք նաև
Հռիփսիմե ՋԵԲԵՋՅԱՆ
