Շոուբիզնեսյան շաբաթն ինչպես միշտ նորություններով լի է: Վերջերս հայտնի դարձավ, որ Ջոնի Դեպն ու Վանեսա Պարադին այլևս չեն ուզում միասին շարունել իրենց կյանքը: Ցավոք այս օրինակին հետևեց նաև հոլիվուդյան մեկ այլ զույգ՝ Թոմ Քրուզն ու Քեթի Հոլմսը: «Քեթին արդեն դատարան է դիմել` որպես ամուսնալուծության պատճառ նշելով «տարաձայնությունները»: Դերասանուհին նախեւառաջ պահանջում է իրենց դստեր` Սուրիի հարցում միանձնյա խնամակալություն: Ամուսնական պայմանագրի համաձայն` ամուսնալուծության դեպքում Քեթին Թոմ Քրուզի հետ համատեղ ապրած յուրաքանչյուր տարվա համար պետք է ստանա 3 միլիոն դոլար, ինչպես նաեւ Կալիֆորնիայում գտնվող 35 միլիոն դոլար արժողությամբ առանձնատունը», բարձրաձայնում են լրատվական կայքերը:
Հոլիվուդյան զույգերը բաժանվում են, իսկ այ հայկական շոուբիզնեսի ներկայացուցիչները գտնում են իրենց երկրորդ կեսին, ավելին՝ չեն թաքցնում դա հանրությունից: Խոսքս այս դեպքում Էմմիի մասին է: Երգչուհու ֆեյսբուքյան էջում փոխվել է կարգավիճակը. Էմմին հարաբերությունների մեջ է: Իսկ թե ով է Էմմիի սիրելին՝ դեռ պարզ չէ:
Լուրեր էին պտտվում, թե Նունե Եսայանը իր երեխային կորցնելու համար մեղադրում է լրատվամիջոցներին՝ արդեն հայտնի պատճառներով: Սակայն պարզվում է դա այդպես չէ: Երգչուհին Bravo.am-ին ասել է, թե ոչ ոքի չի մեղադրում պատահածի համար, և այդ թեմայով խոսել չի ցանկանում:
Ծայրահեղություններով լի շոուբիզնեսյան շաբաթը լրացնում է նաև մի ուրախ լուր՝ դերասան Անդրանիկ Հարությունյանը հայր է դառնալու: Անդոն ու իր կինը` Մերին, պարզել են երեխայի սեռը. առաջնեկն աղջիկ է լինելու. «Ինչ ինձ հիշում եմ, միշտ սիրել եմ Էլեն անունը, կինս համաձայն է, այդպես էլ կանվանենք մեր աղջկան: Եթե զգանք, որ ուզում է դերասան դառնալ, չենք արգելի, բայց ավելի շատ կուզեի, որ երգչուհի դառնար», – Bravo.am-ին ասել է Անդրանիկը:
Տիգրանուհի Թասլակյան
