«Ժառանգության» նախկին պատգամավոր Անահիտ Բախշյանն իր ֆեյսբուքյան էջում մի գրառում է արել, որը վերաբերվում է Aravot.am-ի հրապարակմանը: Տիկին Բախշյանը մտավախություն ունի, որ Վահեի հարազատներն իր ասածը հնարավոր է սխալ հասկանան: Գրառման համաձայն. «Ժողովուրդ ջան, այս հոդվածի վերնագրից կարծես հետևում է, թե նման որոշում կա կայացված, սակայն խնդրում եմ Վահեի ընտանիքը իմ ասածը ճիշտ ընկալի: Ես ասել եմ, որ Լոս Անջելեսում ապրող քրոջ ընտանիքի մոտ առաջին ռեակցիան եղել է պաշտպանել, ապահովել իրենց հարազատի երեխաների և Երեւանի ընտանիքի գոյությունը, որը շատ բնական է, քանի որ ընտանիքը կորցրել է իր հենասյունը, սակայն որեւէ որոշման մասին չէ խոսքը: Նամանավանդ, որ այստեղի ընտանիքը նույնիսկ չգիտի այդ մասին: Ես այդ միտքը հրապարակեցի, որպեսզի թե՛ իշխանությունները, թե՛ առանձին մարդիկ, ովքեր ամենաանմիջական պատասխանատու են այս ողբերգության եւ ընտանիքի կերակրողին կորցնելու համար, լուրջ հետեւություններ ու քայլեր անեն»:
Հռիփսիմե ՋԵԲԵՋՅԱՆ
