Այսօր ԵՊՀ-ում ձեւավորված քննական կենտրոնում կայացավ օտար լեզուների երկրորդ լրացուցիչ փուլի միասնական քննությունը: Ֆրանսերեն հանձնելու համար հայտ էր ներկայացրել 4 դիմորդ, անգլերեն՝ 190, գերմաներեն՝ 18: Բացակայում էր 28 դիմորդ:
Ախալքալաքից ժամանած այս երիտասարդը գերմաներենի քննություն էր հանձնում: Հավանաբար դիտմամբ էր ծնդավայրը նշել հագուստին, որ ծնողները մոնիտորից ավելի հեշտ կարողանան գտնել իրեն:
Իսկ ԳԹԿ ներկայացուցիչներն այնքան տարված էին քննություններով, որ նոր-նոր հայր դարձած եւ ծննդատնից քննակենտրոն եկած իրենց աշխատակից Արա Սեդրակյանին փոխանակ հարցնելու՝ ի՞նչ ունեցար, հարցնում էին՝ ի՞նչ ստացար: Արան էլ հումորով պատասխանում էր. «Բարձրագույն միավորը՝ դուստր եմ ունեցել»:
Գոհար ՀԱԿՈԲՅԱՆ
