ՀՀ ՊՆ քննչական ծառայության 4-րդ կայազորային քննչական բաժնում ՀՀ ՊՆ N զորամասի հրամանատարի տեղակալ, փոխգնդապետ Վարդան Սամվելյանի նկատմամբ մեղադրանք է առաջադրվել ՀՀ քրեական օրենսգրքի 235-րդ հոդվածի առաջին մասով՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:
Երեկ երեկոյան Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը բավարարել է ՊՆ քննչական բաժնի միջնորդությունը՝ Վ. Սամվելյանի նկատմամբ որպես խափանման միջոց կալանքն ընտրելով:
Հիշեցնենք, որ հուլիսի 1-ի գիշերը, ժ.02.15-ի սահմաններում, Վ. Սամվելյանը մուտք էր գործել Երևանի Աճառյան փողոցում գտնվող «Հարսնաքար» ռեստորանային համալիր՝ զինամթերքով և սպառնացել պայթեցնել այն:
Այն կապված էր հասարակական հուզումների առիթ դարձած ՊՆ սպա, բժիշկ Վահե Ավետյանի «Հարսնաքարում» դաժան ծեծի ենթարկվելու եւ նրա սպանության հետ:
Կարդացեք նաև
