«Ռուբեն Հայրապետյանը մեծ բան չի արել պատգամավորի մանդատից հրաժարվելով»,- Aravot.am-ի հետ զրույցում նման կարծիք հայտնեց քաղաքացիական նախաձեռնության անդամ Դավիթ Սանասարյանը՝ ԱԺ-ից դեպի դատախազության շենք գնացող երթի ժամանակ:
Ինչպես արդեն տեղեկացրել ենք, նախաձեռնությունը այսօր բողոքի երթ էր կազմակերպել՝ պահանջելով Ռուբեն Հայրապետյանին հունիսի 17-ին «Հարսնաքարում» բժիշկներին ծեծելու գործով որպես կասկածյալ ներգրավել: Ըստ Դ. Սանասարյանի, պատգամավորի մանդատից հրաժարվելու Հայրապետյանի որոշումը իշխող կուսակցության բեմականացումն է, որով փորձում են հասարակական ալիքը կասեցնել.«Ինչո՞ւ հրաժարական տվեց, եթե մեղավոր չէր, ինչո՞ւ է հրաժարական տալիս, նույն սկզբունքով պետք է հրաժարական տա Ֆուտբոլի ֆեդերացիայի նախագահի պաշտոնից: Մենք չենք ուզում ծափահարենք մի թիմի, որի ֆեդերացիայի նախագահը Ռուբեն Հայրապետյանն է, չենք անելու » : Ցուցարարներից մեկի կարծիքով՝ Ռուբեն Հայրապետյանի երեկ տարածած հրաժարականի, ներողության ու ափսոսանքի հայտարարությունը «բլեֆ էր»: Մի ուրիշ ցուցարար էլ հավելեց՝ ժողովուրդը մեղավոր է, որ մայիսի 6-ին ընտրեց նրան պատգամավոր: Մանրամասները տեսանյութում
Արփինե ՍԻՄՈՆՅԱՆ
Կարդացեք նաև
