Մարդասպան Հունան Թամամյանը: Լուսանկարը՝ Գ.Շամշյանի
Տեղեկացրել ենք, որ հունիսի 28-ի երեկոյան, Իջեւան քաղաքի ծայրամասում, միջպետական ճանապարհի եզրին գտնվող «Մարմար» ռեստորանային համալիրում 31-ամյա Հունան Թամամյանը խնջույքի ժամանակ դանակահարել է 30-ամյա Խորեն Հովհաննիսյանին, որը հիվանդանոցի ճանապարհին մահացել է: Քարի վերամշակմամբ զբաղվող Իջեւանի «Քարարտ» ընկերության արտադրության պետ Խորեն Հովհաննիսյանն ուներ անչափահաս երկու աղջիկ, նրա կինը հղի է եւ առաջիկայում տղա է ունենալու: Դառը ճակատագրի բերմամբ՝ Խորենի հայրն էլ մահացել է դանակահարությունից, Խորենը ծնվել է հոր մահից հետո: Հավելենք, որ Խորեն Հովհաննիսյանն այդ երեկո ռեստորանում նստած է եղել երեք այլ անձանց հետ, երբ Հունանը զանգահարել է, Խորենն էլ ընկերոջը հրավիրել է հացկերույթի: Սեղանի շուրջ անիմաստ վիճաբանությունը պատճառ է դարձել դանակահարության:
Կարդացեք նաև
Ոսկան ՍԱՐԳՍՅԱՆ
