Լուսանկարը՝ ՖՈՏՈԼՈՒՐԻ
ՀԱԿ անդամ Պետրոս Մակեյանը կարծում է, որ օլիգարխների թիկնապահների կողմից ծեծկռտուքների կազմակերպումը շարունակվելու է: «Կապ չունի, այսօր Ռուբեն Հայրապետյանն է, վաղը կլինի Գագիկ Ծառուկյանը … Սա գործընթաց է, կանգնեցնել հնարավոր չէ, պարբերաբար ականատես ենք եղել: Սա չի փոխվելու, քանի այս վարչախումբն է: Պատժել-չպատժել՝ սրանք թատրոն են, որ պետք է ներկայացնեն Աղվան Հովսեփյանն ու Վովա Գասպարյանը , որեւէ բան դրանից չի փոխվի: Եթե նույնիսկ դատապարտեն, ամիսներ հետո նրանք ազատության մեջ կհայտնվեն ու նույն բանը կանեն »,- Aravot.am-ի հետ զրույցում կարծիք հայտնեց պարոն Մակեյանը՝ անդրադառնալով մամուլում հրապարակված տեղեկություններին, թե երեկ ԱԺ պատգամավոր Ռուբեն Հայրապետյանի թիկնապահները նոր քաղաքացու են ծեծել՝ 81 երթուղայինի վարորդին: «Հարսնաքարի» անվտանգության աշխատակիցների կողմից ծեծի հետեւանքով մահացած բժիշկ Վահե Ավետյանի հենց հուղարկավորության օրը նոր քաղաքացու ծեծ կազմակերպելը պարոն Մակեյանը համարեց «մեր դեմ խաղ չկա» կարգախոսի մեսիջ: «Համարժեք պատիժը պետք է լինի այս վարչախմբին մաքրելն ու դուրս գցելը այս երկրից : Սա սկսվեց Քոչարյանի դաբրոյով ու շարունակվելու է»,- հավելեց պարոն Մակեյանը:
Արփինե ՍԻՄՈՆՅԱՆ
