24 օրից Լոնդոնում կմեկնարկի ամառային 30-րդ օլիմպիական խաղերը, որին մասնակցելու են նաեւ Հայաստանի լավագույն մարզիկները:
ՀԱՕԿ-ի լրատվության բաժինը հրապարակել է օլիմպիական վարկանիշ ձեռք բերած մեր մարզիկների անունները, որոնք հուլիսի 27-ից մինչեւ օգոստոսի 12-ը օլիմպիական մրցասպարեզներում կպայքարեն քառամյակի գլխավոր մարզական իրադարձության մեդալների համար:
Այս օլիմպիական խաղերում Հայաստանից ամենաշատ ուղեգրեր` 7, նվաճել են ըմբիշները: Այնուհետեւ գալիս են ծանրամարտը` 6, աթլետները` 4, ձյուդոն` 2, լողը` 2 (սպիտակ քարտով), հրաձգությունը, բռնցքամարտը, թաեքվանդոն, սպորտային մարմնամարզությունը` 1-ական:
Կարդացեք նաև
Լոնդոնում ըստ մարզաձեւերի հանդես կգան:
Ազատ ըմբշամարտ
Միհրան Ջաբուրյան` 55 կգ
Դավիթ Սաֆարյան` 66
Հաջիմուրադ Նուրմագոմեդով` 84
Հունահռոմեական ըմբշամարտ
Հովհաննես Վարդերեսյան` 66 կգ
Արսեն Ջուլֆալակյան` 74
Արթուր Ալեքսանյան` 96
Յուրի Պատրիկեեւ` 120
Ձյուդո
Հովհաննես Դավթյան` 60 կգ
Արմեն Նազարյան` 66
Հրաձգություն
Նորայր Բախտամյան
Սպորտային մարմնամարզություն
Արթուր Դավթյան
Բռնցքամարտ
Անդրանիկ Հակոբյան` 75 կգ
Թաեքվանդո
Արման Երեմյան` 80 կգ
Աթլետիկա
նիզականետում
Մելիք Ջանոյան
Քրիստինե Հարությունյան
Հեռացատկ
Վարդան Փահլեւանյան
Արսեն Սարգսյան
Լող (սպիտակ քարտով)
Միքայել Քոլոյան
Անահիտ Բարսեղյան
Հայաստանի ծանրամարտի ֆեդերացիան աշխարհի վերջին երկու առաջնությունների հանրագումարով ընդհանուր առմամբ նվաճել է վեց օլիմպիական ուղեգիր. չորս` տղամարդկանց եւ երկու` կանանց: Եթե հայտնի է, որ մեր աղջիկներից Լոնդոն մեկնելու են 69 կգ քաշային Մելինե Դալուզյանն ու Հռիփսիմե Խուրշուդյանը` 75+ քաշային կարգ, ապա տղաների վերջնական անուններն ու քաշային կարգերը ֆեդերացիան կհրապարակի մոտ օրերս:
ՀԱՕԿ-ի լրատվության բաժինը տեղեկացնում է նաեւ, որ այս ցուցակը վերջնական չէ եւ այն դեռ կարող են համալրել մեր երկու աթլետներ` վազորդուհի Ամալյա Շառոյանը, որը պետք է մասնակցի Սանկտ Պետերբուրգի միջազգային մրցաշարում եւ մարաթոնյան վազորդ, գյումրեցի Սեւակ Եղիկյանը, որը հանդես է գալու հուլիսի 5-ին Իսպանիայում մեկնարկող վարկանիշային մրցաշարում: Իսկ աթլետների համար վարկանիշային մրցաշարերը միմյանց հաջորդելու են մինչեւ հուլիսի 18-ը:
Աշոտ ՀԱԿՈԲՅԱՆ
