Սառը սուրճը բարձրացնում է լիբիդոն. այս մասին հայտնում են Իսրայելի համալսարանի մասնագետները: Սեքսոլոգները հետազոտություն են անցկացրել ու պարզել, որ սուրճը սեռական կյանքում խթանիչի դեր է կատարում: Փորձարկմանը մասնակցել են 27-45 տարեկան տղամարդիկ եւ կանայք: Պարբերաբար օգտագործելով 150-ական գրամ սառը սուրճ՝ փորձարկմանը մասնակցող տղամարդկանց 67 տոկոսը նշել է, որ պոտենցիայի հետ կապված խնդիրը գրեթե վերականգնվել է, 13 տոկոսն էլ ասել է, որ սեռական ակտի տեւողությունը անհամեմատ երկարաձգվել է: Ինչ վերաբերվում է կանանց, ապա վերջինների պարագայում շատացել է օրգազմի հասնելու հավանականությունը: Սեքսոլոգ Բարուխ Իեշին փորձ է արել նաեւ պարզել, թե սուրճի հատկապես, որ տեսակն է նպաստում լիբիդոյի բարձրացմանը: Նա, ընտրելով 64 հետազոտվող, առավոտյան, ցերեկն ու երեկոյան վերջիններին հրամցրել է տարբեր ձեւերով պատրաստված եւ տարբեր տեսակի սուրճ ու հանգել հետեւյալ եզրակացության. թուրքական ավանդական ձեւով պատրաստած սուրճն ամենաարդյունավետն է եղել: Բանն այն է, որ վերջինները սառը սուրճը պատրաստում են երեկոյան, ապա այն լցնում հերմետիկ փակվող տարայի մեջ ու դնում սառնարանում:
Լավագույն ժամանակը սեռական հարաբերության համար Բարուխ Իեշին համարում է առավոտյան 7:30-08:00-ն ընկած ժամանակահատվածը:
Լիկա ԳԼԱՄՈՒՌՅԱՆ
Կարդացեք նաև
