Ռուբեն Բաբայանը զարմացած է՝ ո՞նց կարող են մարդիկ չհասկանալ, որ «Հարսնաքարում» չի՛ կարելի հարսանիք անել. «Ո՞նց կարելի է գնալ սպանդանոց ճաշելու»
Ռուբեն Բաբայանը, այնուամենայնիվ, գտնում է, որ Ռուբեն Հայրապետյանին պետք է ապաշխարելու հնարավորություն տալ, որովհետեւ, նրա խոսքով, միեւնույն է՝ եթե անգամ բոլորին ցմահ դատապարտեն, սակայն արժեհամակարգը չփոխվի, ամեն ինչ էլի է կրկնվելու: Իսկ որ ամենակարեւորն է, ըստ բանախոսի, օրենքի առաջ հավասար պետք է լինեն բոլոր քաղաքացիները.« Թե չէ՝ տեսանք օրենքը ոնց գործեց «Պապլավոկի» հայտնի դեպքի հետ կապված, ընդամենը 1,5 տարի պայմանական տվեցին»:
Արժեհամակարգի ու մեր ներկայի մասին խոսելիս Aravot.am-ի հետ զրույցում պարոն Բաբայանը հիշեց հայտնի խորհրդային դիսիդենտ գրող Վլադիմիր Բուկովսկուն (վերջինիս ժամանակին փոխանակեցին Չիլիի կոմկուսի գլխավոր քարտուղար Լուիս Կորվալանի հետ): Երբ լրագրողները նրանից հարցրել էին ռեժիմի վերաբերյալ վերաբերմունքը, գրողն ասել էր, որ իր տարաձայնությունները զուտ գեղագիտական բնույթի են:
Կարդացեք նաև
Գոհար ՀԱԿՈԲՅԱՆ
