Այսօր հոգեբան Կարինե Նալչաջյանը, անդրադառնալով «Հարսնաքարում» տեղի ունեցած ողբերգությանը, որի հետեւանքով սպանվեց ռազմական բժիշկ Վահե Ավետյանը, ասաց, որ բառեր չի գտնում իր զգացումներն արտահայտելու համար:
«Պատիժը շատ կարեւոր է, որովհետեւ եթե չես պատժում՝ չպատժվողը լկտիանում է»,- համոզված ասաց հոգեբանը, ըստ որի՝ դեգրադացված հասարակություններում, բնականաբար, իրենց լավ եւ հարմար են զգում դեգրադացված մարդիկ, իսկ արժանավորներին այդ հասարակությունը դուրս է մղում: Նալչաջյանը, դրական գնահատական տալով այն փաստին, որ հասարակությունը չի ընդունում կատարվածը, այնուամենայնիվ նկատեց. «Այժմ մեր հասարակության մեջ տեսնում ենք արժեքային, նորմատիվ, բարոյական դեգրադացման լուրջ անհանգստություն առաջացնող տարրեր»:
Եվա ՀԱԿՈԲՅԱՆ
