Մատենադարանում կայացավ երկու տարի առաջ կյանքից հեռացած ուկրաինացի անվանի հայագետ Յարոսլավ Ռոմանովիչ Դաշկեւիչի` ուկրաիներենով լույս տեսած հոդվածների կատարյալ ժողովածուի շնորհանդեսը: Գիրքը խմբագրել է ուկրաինացի հայագետ Իրինա Գայուկը, ով երկար տարիներ զբաղվում է Ուկրաինայում հայ մշակույթի ուսումնասիրությամբ:
Արվեստագիտության դոկտոր, պրոֆեսոր Լեւոն Չուգասզյանը լրագրողներին հայտնեց, որ պրոֆեսոր Դաշկեւիչն Ուկրաինայում հայագիտութույը բարձրացրել է միջազգային մակարդակի վրա. «Ժողովածուի բացառիկությունը կայանում է նրանում, որ այն ցույց է տալիս հայ-ուկրաինական մշակութային կապերն ու հարաբերությունները` սկսկած 11 դարից, երբ հայերը հաստատվեցին Ուկրանինայում: Դաշկեւիչը ներկայացրել է պատմագիտական եւ գրականագիտական փաստեր, ուսումնասիրել է հայերեն գրերով գրված հին թաթարեն ձեռագրերը, որոնցում զետեղված է Ուրկրաինայի, Լեհաստանի, Ռումինիայի եւ Հունգարիայի հայ գաղթօջախների պատմությունը»: Պարոն Չուգասզյանը հավելեց, որ ժողովածուի խմբագիր, պրոֆեսոր Գայուկը վերջին 10 տարիների ընթացքում Ուկրաինայի 44 թանգարանների արխիվներից գտել եւ ուսումնասիրել է հայ արվեստի 4000 անհայտ գործեր` արծաթե իրեր, գորգեր, ձեռագրեր, կահույք, եւ մեծ քանակությամբ սրբապատկերներ:
ԳԱԱ ակադեմիկոս Սեն Արեւշատյանը փաստեց, նույնիսկ կյանքի վերջին տարիները գործին նվիրաբերած հայագետը կարողացել է հաղթահարել բոլոր դժվարությունները` նպաստելով հայ-ուրաինական կապերի ամրապնդմանը. «Դաշկեւիչը հավքագրել է հայագիտական բազմաթիվ փաստաթղթեր եւ հրապարակել դրանք հոդվածների կամ գրքերի տեսքով: Ժողովածուի խմբագրման աշխատանքներն իրականացրած պրոֆեսոր Իրինա Գայուկն անգնահատելի գործ է կատարել եւ շուտով գիրքը կներկայացնի նաեւ Արցախում»:
Կարդացեք նաև
Հայաստանում Ուկրաինայի արտակարգ եւ լիազոր դեսպանի անունից ողջունելով իրադարձությունը` դեսպանատան երկրորդ քարտուղար Յարոսլավ Սիմոնովն ասաց. «Ուկրանինան ամեն ինչ անում է` իր երկրի հայկական մշակութային կողոթների պահպանության համար: Հաճելի է փաստել, որ անվանի հայագետ Դաշկեւիչը նպաստել է հայ-ուկրաինական հարաբերությոնների պատմության ուսումնասիրմանը եւ կայունացմանը»:
Պրոֆեսոր Իրինա Գայուկը հայագիտական ուսումնասիրություններ է կատարել 1996թ-ից` ուկրաիներենով եւ հայերենով հրատարակելով հայ եկեղեցու վերաբերյալ երկու գիրք: Ներկայացնելով Դաշկեւիչի կյանքի պատմությունը` Գայուկը նշեց, որ նա երբեք չէր խոսում իր հայկական ծագումից, սակայն տոհմը, որից սերում է Դաշկեւիչը, 15-րդ դարից ունեցել է հայկական արմատներ: «Նա աշխատել է մինչ վերջին շունչը: Ուկրաինայի միակ բազմակողմանի զարգացած հայագետն էր: Ժողովածուի վրա աշխատելն ինձ համար դժվար էր, բայց փոխարենը այն ծավալուն ինֆորմացիա է տալիս Դաշկեւիչի` հայ-ուկրաինական պատմության, հայկական մշակույթի եւ եկեղեցու շուրջ ուսումնասիորությունների մասին»,-ասաց Իրինա Գայուկը:
Լուիզա ՍՈՒՔԻԱՍՅԱՆ
