Tert.am-ի թղթակցին հաջողվեց կապվել ԱԺ պատգամավոր, ՀՖՖ նախագահ և «Հարսնաքար» ռեստորանային համալիրի սեփականատեր Ռուբեն Հայրապետյանի հետ` ռազմական բժիշկ Վահե Ավետյանի մահվան փաստը մեկնաբանելու խնդրանքով: Նա հրաժարվեց հարցազրույց տալ` ասելով. «Ի՞նչ մեկնաբանեմ: Ինչպե՞ս մեկնաբանեմ: Անմեղ մարդու դիակը տանը դրած՝ ուզում եք, որ ես ինտերվյո՞ւ տամ: Ուզում եք ասեմ, որ բոլոր մեղավորները կպատժվե՞ն. իհարկե կպատժվեն, օրենքի ողջ խստությամբ կպատժվեն: Բայց ի՞նչ դրանից, կվերադարձնե՞նք Վահեին, իհարկե չենք կարող: Ի՞նչ պիտի ասեմ նրա ընտանիքին: Դուք չեք կարող պատկերացնել իմ ապրումները… Ի վիճակի չեմ խոսել, մի քանի օրից զանգեք»:
