Ինչպես տեղեկացրել ենք , այսօր Գյումրու մի խումբ մտավորականներ, ովքեր պատրաստվում եմ ավագանու համար իրենց թեկնածությունն առաջադրել թիմով, «Ստիլ» պատկերասրահում անցկացնում էին թվով 7-րդ ժողովը: Նախընտրական ծրագրի նախագիծը քննարկելիս, մասնակիցներից մեկը` Սուսաննա Էլբակյանը, խնդրեց ծրագրում ներառել մի շատ կարևոր հարց, արգելել «Կումայրի» արգելոցի մեջ գտնվող շենքերի առ ու վաճառքը: «Բավական է վաճառեն Կումայրի արգելոցի մեջ գտնվող ճարտարապետական մեծ արժեք ներկայացնող կառույցները, օրինակ`Ատրպետի տունը վաճառել են, էդ մարդը, ով որ գնել է, թողել ու հեռացել է Ամերիկա, էսպես չի լինի», -նեղսրտեց տիկինը: Հիշեցենեք, որ Կարսում ծնված հայ արձակագիրն ու հասարակական գործիչը մահացել է Գյումրիում` 1937 թվականին, և նրա տունը գտնվում է Գյումրու կենտրոնում`«Գորկի սադի» մերձակայքում :
Նունե ԱՐԵՎՇԱՏՅԱՆ
