Առաջին անգամ Հայաստանում անցկացվում է PSYCamp (Հոգեբանության ճամբար) չկոնֆերանսը: Այն կրում էր «Հողաթափերով հոգեբանություն» խորագիրը:.
«Այսպես ավելի ազատ ոճի մեջ է, ու հասանելի է բոլորին: Ոչ մասնագետներին թվում է, թե հոգեբանությունը դժվար է ու հասու չէ իրենց, մենք էլ ցանկացանք ցույց տալ` որքան ճկուն կարող է լինել հոգեբանը»,- ասում է կազմակերպիչներից Լիլիթը, ով մասնագիտությամբ հոգեբան է:
Նրանց նպատակն է` երիտասադրների մեջ զարգացնել հոգեբանության նկատմամբ հետաքրքրությունը: Ըստ նրա, PSYCamp-ը կլինի ամենամյա. «Հուսով եմ` հետաքրքրություն կլինի ոչ մասնագետների կողմից»:
Մասնակիցները իրենց ընտրած թեմաներով կարող էին հանդես գալ հոգեբանությանը վերաբերվող զեկույցներով եւ շնորհանդեսներով:
Դրանք շատ էին ` պոլիտիվ հոգեբանությունից մինչեւ բրենդինգ, գեղեցկության ընկալումից մինչեւ ինքնասպանություն ու կրոն: Վերջինի հեղինակը հոգեբան Լիլիթ Մուրադյանն էր: Միջոցառման մասին իմացել է կուրսեցուց, հետո ֆեսյբուքում տեսել է մանրամասներն ու որոշել հանդես գալ զեկույցով:
«Քանի որ մեր մասնագիտական դասընթացների մեջ մտնում է նաեւ ինքնասպանությունը, գրավեց թեման, ու որոշեցի շնորհանդես անել հենց այդ թեմայով: Տարբեր կրոնների մեջ տարբեր ձեւ է ընդունվում ինքնասպանությունը ու դրա մասին ցանկացա տեղեկացնել երիտասարդներին»,– ասում է հոգեբանը:
PSYCamp-ը կտեւի մեկ օր:
