Գյուղատնտեսության փոխնախարար Ռոբերտ Մակարյանը «Հայաստանի ագրարա-գյուղացիական միավորում» հ/կ նախագահ Հրաչ Բերբերյանի կանխատեսումներին չի հավատում. «Տեղական ինքնակառավարման մարմինները խուսափում են թվեր հրապարակելուց, վերլուծություններ անելուց, Բերբերյանը մենակ կամ 4 հոգով այդ դաշտի ողջ վերլուծությունն անում է: Ներկայացնում էր, որ այս տարի ծիրանի բերք չի լինելու, արտահանում չի լինելու: Նույնը կարտոֆիլի մասով էր կանխատեսումներ արել: Անցյալ տարի կարտոֆիլի բավականին բարձր բերք եղավ, հոկտեմբերին հայտարարել էր, որ ամռանը 300-400 դրամով վաճառվելու է, մարդկանց խնդրում էինք, որ տոնավաճառ բերեին վաճառեին, ասում էին՝ Բերբերյանն ասել է, որ ամռանը բարձր է լինելու, այսօր արդեն խնդրի առաջ են կանգնած»:
Փոխնախարարի տվյալներով, այս պահի դրությամբ, գյուղացիական տնտեսություններն արդեն 17 հազար տոննա պտուղ-բանջարեղեն են մթերել: Մթերման գործընթացը կազմակերպողներն աշխատում են նաեւ շաբաթ-կիրակի օրերին, որպեսզի գյուղացիները չտուժեն: Գյուղացիական տնտեսությունների եւ վերամշակող ընկերությունների միջեւ արդեն 4277 պայմանագիր է կնքվել: Վաղվանից էլ Կասյան փողոցում կբացվի տոնավաճառ, որտեղ գյուղացիները կվաճառեն իրենց մթերքները` մատչելի գներով:
Հայկական միրգն ու բանջարեղենը հիմնականում արտահանվում են Ռուսաստանի Դաշնություն, Ուկրաինա, Վրաստան:
Կարդացեք նաև
Լուսինե ԲՈՒԴԱՂՅԱՆ
