«Ճանապարհային երթեւեկության անվտանգության ապահովման մասին» ՀՀ օրենքում փոփոխություններ եւ լրացումներ կատարելու մասին ՀՀ օրենքի համաձայն՝ գործողության ժամկետի նշում չունեցող (հին նմուշի) վարորդական իրավունքի վկայականների գործողության ժամկետն ավարտվում է 2012թ. հունիսի 30-ին:
ՀՀ ճանապարհային ոստիկանությունը հայտարարություն է տարածել, որտեղ մասնավորապես նշվում է, որ հունիսի 30-ից հետո «այդ վկայականներով տրանսպորտային միջոց վարելը կառաջացնի Վարչական իրավախախտումների վերաբերյալ ՀՀ օրենսգրքով սահմանված վարչական պատասխանատվություն՝ նվազագույն աշխատավարձի հնգապատիկի չափով (5000 դրամ) տուգանք»:
ՀՀ ճանապարհային ոստիկանությունը միաժամանակ տեղեկացնում է, որ Ճանապարհային ոստիկանության հաշվառման-քննական տարածքային ստորաբաժանումներում 2012 թ. հունիսի 30-ից հետո եւս կշարունակվի գործողության ժամկետի նշում չունեցող (հին նմուշի) վարորդական վկայականների փոխանակման գործընթացը՝ առանց որեւէ տուգանքի նշանակման:
«Առավոտ» օրաթերթ
