Տավուշի մարզպետարանի շենքի մոտով ընթացող այս մեքենան լուսանկարել է իջեւանցի բլոգեր Վահագն Թամրազյանը: Հետաքրքիր է, որ մարզկենտրոնի բանուկ մասում, վաճառքի հայտարարություններով «պարուրված» մեքենային չեն տեսել ճանապարհային ոստիկանները:
Հունիսի 27-ին, ժամը 11-ի սահմաններում «Հայկական ժամանակի» Տավուշի մարզի թղթակից Գագիկ Աղբալյանի հետ, վերջինիս մեքենայով, դատարան էինք գնում, որպեսզի լուսաբանենք Արտակ Նազարյանի մահվան գործով դատը: Միջպետական ճանապարհին, դատարանի նորակառույց շենքի խաչմերուկի մոտ, մեր «Ժիգուլու» վրա «ճակատային գրոհ»-ով սլացավ մի «Նիվա»: Դրա երիտասարդ վարորդը մոտ 50 մ հեռվից մտել էր հանդիպակաց երթեւեկության գոտի եւ այդ կերպ «շրջանցել» իր երթեւեկության գոտում գոյացած փոքր խցանումը: Մի կերպ խույս տվեցինք «Նիվայի» հետ բախումից: Մի քանի րոպե անց, արդեն դատարանի շենքից տեսանք, որ նույն այդ հատվածում, միջպետական ճանապարհով փոթորկի արագությամբ սուրաց արտասահմանյան թանկարժեք մեքենա:
Իջեւանում պետավտոտեսուչները ուշադրություն են դարձնում երթեւեկության կանոնների աննշան խախտումներին՝ չտեսնելով կամ չուզենալով տեսնել բացահայտ եւ կոպիտ խախտումները: Մանավանդ՝ եթե դրանք կատարում են շքեղ մեքենաների տերերը:
Կարդացեք նաև
Ոսկան ՍԱՐԳՍՅԱՆ
