«Հարսնաքարում» մահացու ծեծի ենթարկված զինվորական բժիշկ, ԼՈՌ բաժանմունքի ղեկավար, մայոր Վահե Ավետյանի առողջական վիճակը դեռեւս ծայրահեղ ծանր է. Վահեն դեռ կոմայի մեջ է: Այսօր Aravot.am-ի հետ զրույցում ասաց Մուրացանի ռազմական հոսպիտալի վերակենդանացման բաժնի պետ, բուժծառայության փոխգնդապետ Հայկ Անտոնյանը:
Ռեստորանում դաժան ծեծի ենթարկված մյուս բժիշկները` կլինիկական օրդինատոր Գարիկ Սողոմոնյանն ու միկրովիրաբույժ Արտակ Բայադյանն արդեն իրենց լավ են զգում, սակայն, թե երբ կարող են նրանց դուրս գրել հոսպիտալից, Հայկ Անտոնյանը դժվարացավ ասել: Մեր այն հարցին` կարիք կա՞ Վահեին արտերկրի որեւէ կլինիկա տեղափոխել, Հայկ Անտոնյանն ասաց, որ իրենք ամեն հնարավոր բան անում են Վահեի համար, սակայն նրան տեղափոխելը նպատակահարմար չէ եւ շատ ռիսկային է` ելնելով նրա առողջական վիճակից:
Հիշեցնենք, որ հունիսի 17-ին Աժ պատգամավոր Ռուբեն Հայրապետյանին պատկանող «Հարսնաքար» ռեստորանային համալիրում անվտանգության աշխատակիցները բժիշկներին դաժան ծեծի են ենթարկել` սպորտային հագուստով ռեստորան մտնելու համար: Հարուցված քրեական գործի շրջանակում կա 6 կալանավորված անձ:
Կարդացեք նաև
Նելլի ԲԱԲԱՅԱՆ
