Հատված ԼՂՀ նախագահի թեկնածու Վիտալի Բալասանյանի հարցազրույցից։
– Այստեղ տեղեկություններ կան, որ ՀՅԴ Բյուրոյի ներկայացուցիչ Հրանտ Մարգարյանը եկել է Ղարաբաղ եւ Բակո Սահակյանի հետ հանդիպումից հետո, առանց Ղարաբաղի դաշնակցականների հետ խորհրդակցելու, հայտարարել է, որ ՀՅԴ-ն Բակո Սահակյանին է սատարելու, ինչից հետո տեղի դաշնակցականները հայտարարել են, որ դուք եք իրենց թեկնածուն։ Դա ի՞նչ պատմություն է, ովքե՞ր են ձեզ սատարում։
– Ինձ սատարում է ժողովուրդը, դա ամենակարեւորն է։ Իսկ Դարաբաղի դաշնակցության կենտրոնական կոմիտեն որոշում էր կայացրել, որ չսատարի ոչ մեկին, այսինքն՝ լինի չեզոք, բայց անցավ մի քանի օր, եւ Հրանտ Մարգարյանը երբ հայտնվեց Ղարաբաղում, թե հիմա ում հետ հանդիպեց,
թե՝ Բակո Սահակյանի հետ, թե՝ ինչ, դրանից հետո նրանք որոշում են կայացրել, որ սատարելու են գործող նախագահին։ Բայց որոշման մեջ գրված է, որ գործող նախագահի թե՛ արտաքին, թե՛ տնտեսական, թե՛ կադրային քաղաքականության հետ իրենք ահագին անհամաձայնություններ ունեն։
Կարդացեք նաև
Կենտրոնական կոմիտեի որոշման մեջ մեկը մյուսին հակասող բաներ կան։
– Այսինքն, հիմա ներքին կարգով են ձեզ սատարելու։
– Ներքին կարգով դաշնակցության անդամների մեծամասնությունը, իհարկե,
իրենց քվեն ինձ են տալու։ Ճիշտն ասած, եթե անկեղծ եք ուզում իմանալ, շարքերը չեն ենթարկվելու կենտրոնական կոմիտեի որոշմանը։
Լուսինե ԲԱՐՍԵՂՅԱՆ
«Հայկական ժամանակ»
