Եվրամիության արտաքին քաղաքականության հարցերով բարձր ներկայացուցիչ Քեթրին Էշթոնը ողջունել է հունիսի 22-ին Ադրբեջանում 9 ընդդիմադիր գործիչների ազատ արձակումը։
Էշթոնի հայտարարությունում, որը տարածել է Ադրբեջանում Եվրամիության պատվիրակությունը, մասնավորապես, ասված է. – «Ես մեծ գոհունակությամբ ողջունում եմ հունիսի 22-ին 9 քաղաքական ակտիվիստների ազատ արձակումը։ Դա դրվատանքի արժանի քայլ է Ադրբեջանի կողմից` երկրում քաղաքացիական եւ քաղաքական իրավունքների ապահովման իր ջանքերում»։
Եվրամիության արտաքին քաղաքականության հարցերով բարձր ներկայացուցիչը հույս է հայտնում, որ «այդ որոշումը նաեւ կխթանի հետագա գործողությունները մարդու հիմնարար իրավունքների եւ ազատությունների լիակատար երաշխավորման եւ ժողովրդավարության ու օրենքի գերակայության ուղղությամբ երկրի միջազգային պարտավորությունների իրականացման համար»։ «Եվրամիությունը նվիրված է մնում Ադրբեջանին այդ ուղղությամբ աջակցելու խնդրին», – ասված է հայտարարությունում։
Հունիսի 22-ին Ադրբեջանում ազատ արձակվեցին ընդդիմության անցած տարվա ապրիլի 2-ի բողոքի ակցիայի 9 մասնակիցներ։
Կարդացեք նաև
«Ազատություն» ռադիոկայան
