Հատված ՀՀ սփյուռքի նախարար Հրանուշ Հակոբյանի հետ հարցազրույցից:
– ՀՀԿ ներկայացուցչին պատկանող ռեստորանում մարդիկ օրը ցերեկով գազանաբար ծեծել են 5 բժիշկների, որոնցից մեկը մահամերձ է: Ինչպե՞ս եք վերաբերում այս իրողությանը։
– Ընդհանրապես էդպիսի բռնությունները, դաժանությունները, ծեծերը, իհարկե, պետք է բացառել։ Ես ցավում եմ, որ նման դեպքերի ենք ականատես լինում, բայց չեմ կարծում, թե այդ հաստատության տերը նաեւ պատասխանատվություն է կրում երկու կողմերի մեջ բանավեճի կամ վեճ առաջանալու պայմաններում։ Ցավոք, սննդի օբյեկտները, ռեստորանները միշտ էլ ռիսկային են, որովհետեւ ալկոհոլ օգտագործելիս մարդիկ երբեմն ավելի անկառավարելի են դառնում, ես շատ-շատ կուզեի, որ արագ ապաքինվեն այդ տուժողները։ Իսկ ամենագլխավորը՝ օրենքը պետք է կիրառվի, մեղավորը պետք է պատասխան տա։
– Չե՞ք զգում, որ մեր երկրում այսօր արդարության պակաս կա։
Կարդացեք նաև
– Ես գտնում եմ, որ այո՛, արդարության պակաս կա մեր երկրում։ Դատական իշխանությունը որ ասենք վերջնականապես կայացել է՝ ո՛չ, բայց դատական իշխանությունը փոփոխությունների մեջ է՝ դեպի լավ առաջընթաց։ Դա մի օրվա գործ չէ։ Բարեփոխումները իրականացվում են անընդհատ։
Թամարա ՄԻՔԱՅԵԼՅԱՆ
«Ժողովուրդ»
