Վերջին շրջանում Երեւանի խաչմերուկներում 20 տեսախցիկ եւ 30 արագաչափ է տեղադրվել, մոտ օրերս տեսախցիկները եւս 5-ով կավելանան: Այսօր «Նոյյան տապան» ակումբում ասաց «Աքիլլես» ավտովարորդների իրավունքների պաշտպանություն հ/կ նախագահ Էդուարդ Հովհաննիսյանը՝ դժգոհելով, որ վարորդներին տուգանելու դեպքերն են շատացել. «Ամեն օր արագության ու խաչմերուկների վերաբերյալ մոտ 1500-2000 խախտում է գրանցվում տեսախցիկներով , իսկ սա մոտավորապես կազմում է 35.000 դոլար օրական: Միանշանակ կարելի է ասել, որ սա բիզնես է , բիզնեսը համագործակցել է պետական մարմնի հետ եւ ստեղծել է, այսպես ասած, համատեղ բիզնես, որովհետեւ ճանապարհային ոստիկանությունն ընդամենը մի հատ կնիք դնելով գումար է վաստակում 30 տոկոսի չափով»:
Ասուլիսից հետո, պարոն Հովհաննիսյանին խնդրեցինք համադրել իր ունեցած եւ ճանապարհային ոստիկանության տվյալները: Հիշեցնենք, որ օրեր առաջ ճանապարհային ոստիկանության ճանապարհապարեկային ծառայության բաժնի պետ Նորիկ Սարգսյանը ասել էր, որ այս տարվա հինգ ամիսներին արտաբյուջետային ֆոնդ է տուգանքներից մտել մոտ 1 միլիոն դրամ: Հակասությունը փորձեցինք պարզել հենց պարոն Հովհաննիսյանից, բայց նա այդպես էլ չկարողացավ հիմնավոր փաստարկներ բերել:
Կարդացեք նաև
Արփինե ՍԻՄՈՆՅԱՆ
