Հատված Քաղաքական եւ ընտրական տեխնոլոգիաների մասնագետ Արմեն Բադալյանի հարցազրույցից:
– ԲՀԿ–ն չի հայտարարում, որ ընդդիմություն է։ Ավելին, խուսափում է այդ բառն օգտագործել։
– ԱԺ-ն իրավական մարմին է, եւ իրավական մարմնում գտնվող քաղաքական ուժը պետք է ունենա իրավական կարգավիճակ։ Խորհրդարաններում իրավական կարգավիճակի 2 տարբերակ կա՝ իշխանություն եւ ընդդիմություն։ Ուրիշ իրավական կարգավիճակ քաղաքական ուժը, ցանկացած երկրի խորհրդարանում, չունի։ Ինչ վերաբերում է ԲՀԿ-ին, այդ ուժը 5 տարի եղել է իշխանություն, միգուցե տրանսֆորմացիայի հետ կապված՝ նրա մոտ ինչ-որ բարդույթներ են առաջացել «ընդդիմություն» բառի հետ կապված։ Կարծում եմ, երբ ԲՀԿ-ն կավարտի իր տրանսֆորմացիոն փուլը, կհայտնի ընդդիմադիր լինելու մասին, որովհետեւ եթե շատ ձգի այդ լղոզվածությունը, դա կբերի նրա վարկանիշի անկման, եւ չհասկացվածություն կառաջանա ինչպես երկրի ներսում, այնպես էլ դրսում՝ հատկապես քաղաքական ուժային կենտրոնների մոտ՝ նրա ապագա գործունեության վերաբերյալ։ Այսինքն, ինչքան շատ նա ճգտի այդ տրանսֆորմացիոն գործընթացը, նրա վարկանիշը կընկնի, եթե հստակություն չմտնի։
– Բայց իրենք, բացի կառավարության ծրագրից, մյուս բոլոր օրինագծերին «կողմ» քվեարկեցին, անգամ այնպիսիներին, որոնց սկզբունքորեն դեմ են եղել, նաեւ անհասկանալի է, երբ ԲՀԿ–ն քննադատում էր վարչապետի ծրագիրը, ԲՀԿ նախագահ Գագիկ Ծառուկյանը հենց այդ ժամանակ գնում էր
Կարդացեք նաև
Սերժ Սարգսյանի հետ հանդիպելու, մինչ այդ՝ Սերժ Սարգսյանին
Ճապոնիա ճանապարհելու։
– Կարեւորագույն հարցը ԱԺ-ում կառավարությանը անվստահություն հայտնելն է։ ԲՀԿ-ն գործող կառավարությանը անվստահություն է հայտնել՝ դեմ քվեարկելով նրա ծրագրին։ Ինչ վերաբերում է մյուս օրենքներին, ապա յուրաքանչյուր ուժ ինքն է որոշում՝ տվյալ օրենքին կո՞ղմ քվեարկի, թե դեմ, եւ
այդ օրենքներին քվարկել կամ չքվեարկելով չէ, որ նա վարկանիշ է գցում կամ բարձրացնում։ Վարկանիշը բարձրացնում են իրենց գործունեությամբ, իսկ ԲՀԿ-ին այդ ընկալելի գործունեությունը այսօր պակասում է։
Լուսինե ԲԱՐՍԵՂՅԱՆ
«Հայկական ժամանակ»
