Այսօր, ԵԽԽՎ ամառային նստաշրջանի լիագումար նիստում ՀՀ պատվիրակության ներկայացուցիչ Նաիրա Զոհրաբյանն Ալբանիայի վարչապետ Սալի Բերիշային, որի երկիրը ստանձնել է ԵԽ նախարարների կոմիտեի նախագահությունը, հարց ուղղեց. «Թեև Սերբիան չի ճանաչել Կոսովոյի անկախությունը, այնուամենայնիվ, երկխոսել է Կոսովոյի հետ: Ինչպիսի՞ քայլեր կձեռնարկեք Ալբանիայի նախագահության օրոք` որպեսզի Ադրբեջանն ուղիղ երկխոսություն հաստատի Լեռնային Ղարաբաղի իշխանությունների հետ»:
Այս հարցադրմանն ի պատասխան՝ Ալբանիայի վարչապետը հայտարարեց, թե այդ հարցում իրենք պաշտպանում են ԵԽ նախարարների կոմիտեի դիրքորոշումը եւ ԵԽ որոշումները` ամեն ինչ անել տարածաշրջանում ժողովրդավարական զարգացման համար:
Aravot.am-ի հետ զրույցում անդրադառնալով Ալբանիայի վարչապետի այս պատասխանին՝ Նաիրա Զոհրաբյանն ասաց. «Ալբանիայի վարչապետին ուզում եմ հիշեցնել, որ ԵԽ նախարարների կոմիտեն ԼՂ հակամարտության հարցով որեւէ դիրքորոշում ունենալու որեւէ իրավունք չունի»:
Կարդացեք նաև
Զոհրաբյանի ասելով, կամ` վարչապետի այսօրինակ պատասխանը, որը նրան հուշել էին կողքին նստած հուշարարները, սխալ էին հասկացել հայ պատգամավորի հարցը, որովհետեւ թարգմանիչը հարցը սխալ թարգմանեց` արդյոք Ալբանիան չի պատրաստվում ճանաչել Ղարաբաղի անկախությունը, կամ թարգմանչի կողմից սխալ տրված հարցից խուսափելու համար նա հղում արեց նախարարների կոմիտեի գոյություն չունեցող «որոշմանը»:
Ի դեպ, այսօր ԵԽԽՎ լիագումար նիստում տեղի են ունենալու, այսպես կոչված` ազատ քննարկումներ, որի շրջանակներում ելույթ ունենալու համար հերթագրվել են ադրբեջանական պատվիրակության մեծ թվով պատգամավորներ:
Նաիրա ՄԱՄԻԿՈՆՅԱՆ
