Aravot.am-ը այսօր «Հայելի» ակումբում ՀՀԿ փոխնախագահ Գալուստ Սահակյանից հետաքրքրվեց՝ վերջին օրերին ԱԺ-ում քննարկումների ժամանակ երբ ՀԱԿ-ը քննադատում էր, ՀՀԿ պատգամավորները հիշեցնում էին ՀՀՇ-ի ժամանակները, այսպես ինչքա՞ն պիտի շարունակվի, ՀՀԿ-ն ասելիք չունի՞՝ նա պատասխանեց. «Երբ կառավարության ծրագիրը քննարկվում էր, յուրաքանչյուրն իր խոսքն էր ասում, բայց երբ ծրագրից անցան ՀՀԿ-ին քննադատելուն, այդտեղ ամեն ինչ կարելի էր ասել: Ես էլ կողմնակից չեմ, որ անցյալը ասեն, ես կողմնակից եմ, որ առաջ նայեն: Բայց ճշմարտություն ասելուց էլ կարեւոր է, թե այդ ճշմարտությունն ով է ասում: Պետք է ժողովրդին չխաբել: Ասեին՝ մեր ժամանակ այսպես էր: Ամբողջ տնտեսությունը քանդած մի քաղաքական ուժ այսօր դասեր է տալիս եւ նորից փորձում է մեր հասարակությանը խաբել»:
Պարոն Սահակյանը նաեւ նշեց. «Չկարծեք, թե ՀՀԿ-ն ամենասրբագույն արձանագրություններով պետք է առաջ գնա՝ մարդը չի կարող սուրբ լինել: Բայց որոշակի ճշմարտություններ ասելու համար էլ պիտի դրա իրավունքն ունենաս»:
Լրագրողները հետաքրքրվեցին՝ այդ ե՞րբ է Ռուբեն Հայրապետյանի դեմ մահափորձ եղել: Նա պատմեց, որ վերջին տարիներին մեքենան պայթեցրեցին: Մահափորձ կատարողներին Գալուստ Սահակյանը չի հիշում՝ բռնե՞լ են, թե՞ չէ: Ինքը՝ Գալուստ Սահակյանը, թիկնապահ չունենալով, նույնպես զգուշանում է. «Շքամուտքի մոտ երբ գնում եմ՝ զանգում եմ, տանս լույսը վառում եմ իմ հաշվին: Սկանդալային երեւություններ չեմ ուզում ունենամ, ոչ թե վախից եմ անում»,- բացատրեց պարոն Սահակյանը:
Կարդացեք նաև
Հռիփսիմե ՋԵԲԵՋՅԱՆ
