Պատասխանելով Aravot.am-ի հարցերին՝ «Ժառանգություն» կուսակցության վարչության փոխնախագահ Արմեն Մարտիրոսյանը գտնում է, որ կառավարության ծրագիրը 8 ամսվա ծրագիր է՝ մինչեւ նախագահական ընտրություններ, չնայած այնտեղ 5 տարվա համար բաներ են գրված, չե՞ք կարծում, որ չեք հասցնի այն իրականացնել, իսկ ՀՅԴ-ից Արծվիկ Մինասյանն էլ ասում էր, որ եթե ՀՅԴ-ի նախընտրական ծրագիրն իրականացվի, ավելի լավ տնտեսություն կունենանք՝ ՀՀԿ պատգամավոր Հակոբ Հակոբյանը ասաց. «Արծվիկ Մինասյանը շատ բան է անում: Արմեն Մարտիրոսյանն էլ սխալ է ձեւակերպել: Կառավարության ծրագիրը ուղիղ 5 տարվա համար է: Եթե նա նկատի ունի, որ նախագահական ընտրություններից հետո կառավարությունը կարող է չլինել, ապա դա ՀՀԿ-ի ծրագիրը չի փոխի: Չէ՞ որ սա ՀՀԿ-ի ծրագիրն է, ոչ թե վարչապետ Տիգրան Սարգսյանի, կամ 13-րդ կառավարության»:
Եվա ՀԱԿՈԲՅԱՆ
