Այն, ինչ կատարվում է Վարդան Օսկանյանի հետ, ես գնահատում եմ որպես քաղաքական հետապնդում: ԲՀԿ-ն կոալիցիա չմտավ: Մտնելը դա նշանակում է առաջիկա ընտրություններում պաշտպանել գործող նախագահին, իսկ իշխանության նպատակն այն է, որ ինչպես խորհրդարանի ընտրություններն անցան՝ առանց լուրջ լարվածության, նախագահականն էլ անցնի այդ կերպ՚, – ՙԱ1+՚-ի հետ զրույցում ասաց իրավապաշտպան, Հելսինկյան կոմիտեի նախագահ Ավետիք Իշխանյանը:
Ըստ նրա, ամբողջ այս աղմուկը ուղղակիորեն կապված է առաջիկա նախագահական ընտրությունների հետ: Հայաստանում, Ավետիք Իշխանյանի կարծիքով, ընդունված ավանդույթ է, որ լարվածությունն առաջանում է նախագահական ընտրությունների ժամանակ և երբեմն անսպասելի տեղից:
ՙՀՀ ներկաքաղաքական մթնոլորտում նախագահական ընտրությունների ժամանակ հիմնական խաղացողը հավանաբար պետք է լիներ ԲՀԿ-ն, քանի որ որպես կանոն նախորդ ընտրություններին մասնակցած, սակայն չհաղթած թեկնածուին հասարակությունը համարում է խփված քարտ եւ հույս չի ունենում, որ նա կարող է հաջողության հասնել, եւ միշտ հույսը դնում է նոր դեմքի վրա, անկախ նրանից, թե այդ նոր դեմքը նախկինում ինչ պաշտոններ է զբաղեցրել: Այդ տեսակետից, ԲՀԿ-ից թերեւս իր պահվածքից ելնելով՝ Վարդան Օսկանյանը կառաջադրվեր: Կարծում եմ, հարցը գնում է դաշտը մաքրելու մասին, եւ այդ համատեքստում պետք է նայել գործի հարուցումը՚,-ասաց Ավետիք Իշխանյանը: Մանրամասները կարդացեք այստեղ:
