Այսօր Շիրակի մարզի ընդհանուր իրավասության դատարանում շարունակվեց 21-ամյա Մարի Դավթյանին այրած Գևորգ Թադևոսյանի դատավարությունը: Հիշեցնենք, որ հունվարի 20-ին 51-ամյա այս գյումրեցին իր աղջկա պատիվը փրկելու, նրան մարմնավաճությունից հետ պահելու համար սպանել էր 8 ամսական երեխայի մայր 21-ամյա Մարի Դավթյանին, այնուհետեւ պոլիտեխնիկական ինստիտուտի նախկին շենքի կիսանկուղային հատվածում այրել էր նրա դին: Սպանվածը Գևորգ Թադևոսյանի դստեր` 20-ամյա Ալվարդի մտերիմ ընկերուհին էր:
Այսօր ամբաստանյալը պետք է հանդես գար վերջին խոսքով: Մինչ Գևորգ Թադևոսյանը սկսեց խոստովանել, որ իրականում վատ բան է արել` «իր կամքից անկախ ստացվել է, էլի», դատարանից խնդրեց մեղմ մոտենալ իրեն, դահլիճ մտան նրա քույրը եւ դուստրը, ու ամբաստանյալը, տեսնելով նրանց, հատկապես դստերը, փոխեց իր վերջին խոսքը` պնդելով, որ ինքը անմեղ է, կապ չունի մարդասպանության հետ:
Դատավոր Էդուարդ Մանուկյանը վճիռը կհրապարակի ամիս 26-ին, հիշեցնենք, որ Թադեւոսյանին սպառնում է մինչև 15 տարվա ազատազրկում:
Կարդացեք նաև
Նունե ԱՐԵՎՇԱՏՅԱՆ
