ՖՈՏՈԼՈՒՐ
Քիչ առաջ ԱԺ-ում կատարվեց քննարկվող Սեւանա լճից լրացուցիչ 150 մլն խմ ջուր վերցնելու օրինագծի քվեարկությունը: Մինչ այդ ՀԱԿ-ը, ՀՅԴ-ն ու «Ժառանգությունը» հայտարարեցին, որ դեմ են քվեարկելու: Ռուբեն Հակոբյանի խոսքերով՝ ինքը խոսել է այս պահին Ստրասբուրգում գտնվող եւ այդ խնդրի մասին քաջատեղյակ Զարուհի Փոստանջյանի հետ, նա փոխանցել է, որ բնապահպանները խնդրել-աղաչել են, որ անպայման դեմ քվեարկեն օրինագծին, ինչը եւ անելու են: Քվեարկության արդյունքներով՝ կողմ գրանցվեց 93 ձայն, դեմ՝ 12, ձեռնպահ չկար, եւ որոշումն ընդունվեց:Վահան Հովհաննիսյանը վերջում արձագանքեց Վարդան Այվազյանի բուռն ելույթին՝ ասելով, որ հասկանում է, որ որոշ պատգամավորներ ուզում են ՀՀԿ-ի դիրքորոշումը պաշտպանել, կոպիտ ասած՝ կանգնել ՀՀԿ-ի թասիբին. «Կարո՞ղ է այնպես լինի, որ հանուն ՀՀԿ-ի այնպես անեք, որ Ենիսեյ գետը Հայաստանով անցնի»:
Հռիփսիմե ՋԵԲԵՋՅԱՆ
