Այսօր ԱԺ-ում ՀԱԿ պատգամավոր Նիկոլ Փաշինյանը Սեւանից լրացուցիչ 150 մլն խմ ջուր բաց թողնելու օրինագծի քննարկման ժամանակ իր ելույթում նշեց. «ՀՀ կառավարությունը, որը գյուղացիներին վաճառում է ջուրը եւ մարդիկ ճռռում են վճարների տակ, 150 մլն խմ ջուրը նվիրաբերում է Սեւանի հիդրոէլեկտրակայաններին, որոնք միլիոնավոր դոլարների շահույթ կապահովեն դրանով:Կառավարությունն ուզում է դուռ բացել՝ Սեւանի ռեսուրսների անսահման օգտագործման համար»:
Նիկոլ Փաշինյանը նշեց, որ ինքն ուշադիր ընթերցել է կառավարության հիմնավորումները, որ եթե 150 մլն խմ ջուր բաց չթողնենք՝ Արարատյան դաշտում կունենանք պրոբլեմներ. «Հասկանալի է, որ ՀՀԿ մեծամասնության աջակցություն ունեցող կառավարությունը առանց ընդդիմության էլ կարող է անցկացնել այս օրենքը, բայց եթե դուք ուզում եք համերաշխության մթնոլորտ լինի, ապա առաջարկում եմ, որ ԱԺ գյուղատնտեսական եւ բնապահպանական հարցերի եւ տարածքային կառավարման եւ ինքնակառավարման հանձնաժողովները խումբ ստեղծեն, որոնք կլինեն Սեւանում, Արարատյան դաշտավայրում, որոնք եզրակացություններ կներկայացնեն իրավիճակի, նաեւ Սեւանի ափամերձ դղյակներին սպառնացող վտանգների մասին»:
Կարդացեք նաև
Հռիփսիմե ՋԵԲԵՋՅԱՆ
