«Կառավարության այս ծրագրից չի երեւում, թե կառավարությունը առաջիկա 5 տարիների համար բանակաշինության ինչ կոնցեպցիա է որդեգրել, անտեսված են սահմանային արյունալի դեպքերի աճի տեմպերը»,- ԱԺ -ում կառավարության ծրագրի քննարկման ընթացքում իր ելույթում նշեց ՀԱԿ պատգամավոր Գագիկ Ջհանգիրյանը:
Ըստ նրա, բանակը ուժեղից զատ պետք է լինի մարտունակ, կարգապահ, իսկ այդ մասին ծրագրում անդրադարձ չկա. «Ոստիկանության իրավապահ մարմիննների գործողությունները պետք է ուղղվեն սոցիալական հակամարտությունների կանխմանը: Կարծես կառավարությունը ինչ-որ սոցիալական բունտերի է նախապատրաստվում: Սոցիալական հակամարտությունները, տնտեսական ճգնաժամերը չեն պահանջում իրավապահ մարմինների միջամտություն, առանց այդ էլ իրենց գործերը, պարտականությունները թողած՝ լծված են քաղաքական հետապնդմանը»:
Քաղաքացիները, ըստ նրա լքում են հայրենիքը, որովհետեւ ամեն վայրկյան յուրաքանչյուրին կարող են ծեծել, խեղել, զրկել ունեցվածքից ու սեփականությունից եւ ոչ մի պետական պաշտոնատար անձ դրա համար պատասխանատվություն չի կրի. «Երաշխիք չկա, որ առաջարկվող լուծումները ադեկվատ են այս իրավիճակին: Կառավարությունը դատախազական հսկողոււթյան ի՞նչ լրացուցիչ լծակներ է նախատեսում՝ արհեստական մեղադրանքներ մոգոնող, օպերատիվ ու հետախուզական մարմնի հանցանքները քողարկող մարմնից ինչպես պետք է վերածի օրինականության մարմնի»:
Կարդացեք նաև
Հռիփսիմե ՋԵԲԵՋՅԱՆ
