ԱԺ նիստի ընդմիջմանը ՀՀԿ փոխնախագահ Գալուստ Սահակյանից հետաքրքրվեցինք, թե Արամ Մանուկյանի ելույթի ժամանակ ի՞նչ էր հակադարձում ու ինչու էր բարկացել: Նա պատասխանեց. «Ասացի 26-ի միտինգին կասեք, միտինգային ժամանակաշրջան չի եւ չի կարելի լկտիության հասցնել ամեն ինչ»:
Ընդմիջմանը Գալուստ Սահակյանը լիաթոք արձագանքեց Արամ Մանուկյանի ելույթին. «Սա կառավարության ծրագիր է, եւ ոչ թե որեւէ կուսակցության կամ քաղաքական թիմի խնդիր: Մեր մոտեցումը հանգիստ մթնոլորտ ստեղծելու՝ մի տեսակ հռետորի խաբուսիկ վիճակի մեջ գցեց: Մտածեց, արդեն այնքան են տեղավորվել, որ կարող են կուսակցությանը հարվածեր հասցնել: Քաղաքական մեծամասնությունը եւ կառավարությունը նույն թիմ են, այդ բոլոր օրենսդրությունները համատեղ քննարկումների արդյունքում են ստեղծվել: ՀՀԿ-ն 5 տարիների ընթացքում 350 նույնիսկ մայր օրենքի առաջարկությամբ է հանդես եկել, բայց 4-րդ գումարումը չի հասցրել քննարկել: Փորձում են տրամաբանորեն մթնոլորտ ստեղծել, իբրեւ թե անգործունակ ենք: Երկրորդը՝ աբսուրդ բան է խոսում, թե էսքան հազարից բոլորը կողմ են քվեարկել՝ չմտածելով, որ դա մեր նախագծերն են եւ քաղաքական մեծամասնությունը բնական է, որ կողմ պիտի լինի: Չունենալով փաստացի որեւէ բան՝ փորձեց սպեկուլյատիվ վիճակ ստեղծել, որը, բնականաբար, իրեն չէր սազում: Ինձ էլ չսազելով՝ փորձեցի կանխել, որպեսզի անճշմարտության փոսի մեջ այդպիսի տվայտանքներով չհեռանա»:
Մենք նաեւ հետաքրքրվեցին՝ հաշվի առնելով երեկվա բուռն քննարկումները եւ այսօրվա Ձեր հունից դուրս գալը, կարո՞ղ ենք ասել, որ ՀԱԿ-ը նյարդայնացնում է Ձեզ՝ պարոն Սահակյանը պատասխանեց. «Նախ, հունից դուրս գալ չասենք: Միշտ այս տարիների ընթացքում ասել եմ հետեւյալը՝ մի՛ անպատվեք: Եթե անպատվում եք՝ կհակադարձենք: Եթե քննադատում եք՝ քննադատեք: Առաջ շարժվող քաղաքական ուժը, ինչքան էլ բամբասի, որ խախտումներ են եղել, չի կարող 7 պատգամավոր բերի ԱԺ, գոնե 17-ը պիտի բերի, եթե այդքան հասարակությունը ոտքի վրա է կանգնել»:
Կարդացեք նաև
Հռիփսիմե ՋԵԲԵՋՅԱՆ
