Անհարկի տրանսպորտային միջոցներ կանգնեցնելու, քաղաքացիների նկատմամբ անհարգալից վերաբերմունք ցուցաբերելու համար այս տարի 28 ճանապարհային ոստիկան է կարգապահական պատասխանատվության ենթարկվել: Իսկ կաշառք վերցնող տեսուչների Ոստիկանությունն նախորդ ամիսներին դեռ չի գտել: Ճանապարհային ոստիկանության ճանապարհապարեկային ծառայության բաժնի պետ Նորիկ Սարգսյանը չբացառեց՝ տուգանքների հարցում վարորդ-ոստիկան փոխհամաձայնության ու կոռուպցիոն հնարավոր ռիսկերը եւ ասաց, որ ժամանակ է պետք, աստիճանաբար նման երեւույթները վերացնելու համար:
Արփինե ՍԻՄՈՆՅԱՆ
