Այսօր ԱԺ-ում Արամ Մանուկյանը պատասխանեց վարչապետի երեկ արած հայտարարությանը, թե իրենց ժամանակ արտագաղթն ավելի մեծ է եղել, քան այս կառավարության ժամանակ: «Երեկ իմ հարցի ժամանակ վաչապետը 3 սխալ թույլ տվեց»,- ասաց Արամ Մանուկյանը: Նա վիճակագրական թվերով ներկայացրեց, որ վարչապետը չի տիրապետում թվերին. «Կառավարությունը չարաճճի երեխայի նման է, երբ փողի հետ է աշխատում, նա գայթակղության է ենթարկվում: Քաղաքական ուժն է, որ պետք է տիրություն անի, դա ՀՀԿ-ն է, չմոռանամ գործընկերոջն էլ՝ ՕԵԿ-ին: Հարգելի Հանրապետական կուսակցություն, 4-րդ գումարման ընթացքում 1412 օրենք եք ընդունել, 1200-ը կառավարությունն է ներկայացրել, ո՞ւր է ձեր ներկայացրած օրենքը: 200 օրենսդրական նախաձեռնություն է ներկայացվել»:
Արամ Մանուկյանի ելույթին տեղից հակադարձում էին ՀՀԿ-ական պատգամավորները: Նրանք պնդում էին, որ Արամ Մանուկյանն ասի այդ ինֆորմացիայի աղբյուրը՝ բնականաբար չհամաձայնելով դրանց հետ: Արամ Մանուկյանը նշեց աղբյուրը՝ «Բաց հասարակության ինստիտուտի մոնիտորինգն է աղբյուրը»:
Նա դժգոհ հեռացավ ամբոնից, քանի որ խոսքն անավարտ մնաց, ժամանակն էլ սպառվեց:
Կարդացեք նաև
Հռիփսիմե ՋԵԲԵՋՅԱՆ
