Այսօր ԱԺ միջանցքներից մեկում թիվ 2 ընտրատարածքից մեծամասնական ընտրակարգով ընտրված ՀՀԿ պատգամավոր Սամվել Ֆարմանյանը, հանդիպելով ՀԱԿ պատգամավոր Լեւոն Զուրաբյանին, ասաց. «Ձեր հաղթած թեկնածուին ասեք, որ գա իր քարոզչական պաստառները հավաքի, դեռ պաստառները մնացել են»:
Խոսքը, բնականաբար, նույն ընտրատարածքում առաջադրված պատգամավոր Վլադիմիր Կարապետյանի մասին էր, որին ՀԱԿ-ը համարում է հաղթած ու ընտրված: Ի պատասխան՝ պարոն Զուրաբյանն ասաց. «Դուք ասեք, ես հո պոչտալյո՞ն չեմ: Դուք հավաքեք»:
Սամվել Ֆարմանյանը նշեց, որ ուղղակի ընկերաբար է խնդրում՝ «Երբ տեսնեք, փոխանցեք: Օրենքի՜ց եք խոսում, իսկ օրենքով՝ ով փակցրել է, նա էլ պիտի հավաքի»: Պարոն Զուրաբյանը, թեեւ հայտարարել էր, որ Վլադիմիր Կարապետյանի ներկայացուցիչն է լինելու Աժ-ում՝ նույնիսկ չխոստացավ, որ Ֆարմանյանի ասածները կփոխանցի Վլադիմիր Կարապետյանին. «Լսեք, ֆեյսբուք կա, մեյլ կա, բան ունեք ասելու՝ նրան ասեք»:
Ինչ վերաբերում է Վլադիմիր Կարապետյանի ներկայացուցիչը լինելուն՝ պարոն Զուրաբյանը հստակեցրեց. «Ներկայացուցիչն եմ՝ քաղաքացիների համար»:
Կարդացեք նաև
Հռիփսիմե ՋԵԲԵՋՅԱՆ
