Սարգիս Հացպանյանին Հայաստանում ապրելու իրավունքը այսօր տվել են: Նրան մեկ տարվա Կացության ժամանակավոր կարգավիճակ է տրվել: Սա լավ նվեր է Հացպանյանների համար, որոնց մոտ այսօր ընտանեկան տոն է` դստեր ծննդյան տարեդարձն է: Ուրախալի է նաեւ այն, որ Սարգիս Հացպանյանին տրամադրվել է նաեւ ելքի իրավունք, եւ այժմ նա կարող է կատարել իր ցանկությունը` այցի գնալ հոր գերեզմանին` Գերմանիա: Հիշեցնենք, որ Սարգիս Հացպանյանի հայրը մահացավ, երբ նա բանտում էր:
Հիշեցնենք, որ ընդամենը տաս օր առաջ Վարչական վերաքննիչ դատարանը եւս մերժել էր Սարգիս Հացպանյանի բողոքը` ընդդեմ ոստիկանության, որը նրան մերժել էր տալ կեցության կարգավիճակ: Ընդհանուր իրավասության վարչական դատարանն արդեն իսկ հիմնավոր էր համարել այդ մերժումը, եւ Սարգիսը դիմել էր Վերաքննիչ դատարան: Այս ամենի մասին մանրամասները կարող եք կարդալ այստեղ:
