«Պարտքի մասին մի բառ ձեր բերանից դուրս չեկավ, արդեն 45 տոկոսի է հասել, նվազել են արտաքին ներդրումները, աղքատությունը 500 հազարով այս ժամանակահատվածում ավելացել է»,- իր ելույթում նշեց ԲՀԿ-ական պատգամավոր Վարդան Օսկանյանը՝ ԱԺ-ում:
Նա դիմեց Տիգրան Սարգսյանին. «Պարո՛ն վարչապետ, երբ ձեզ հարց տվեցի՝ հնարավո՞ր էր խուսափել անկումից, ասացիք այո, եթե շինարարության անկումը չլիներ: Գիտեք, ես կարող եմ վիճարկել Ձեր թվերը, բայց ուզում եմ այլ կտրվածքով պատասխանել: Պատճառը անկման մեր տնտեսության կառուցվածքն է, այո՛, շինարարությունը, իսկ երրորդը՝ Ձեր վարած քաղաքականությունն է, այս երեքի մեջ գերակշռողը եղել է ձեր վարած քաղաքականությունը: Այս ծրագրի մեջ դուք ռիսկերից եք խոսում, բայց ոչ մի բան չեք ասում, թե ռիսկերի կառավարման դեպքում ինչպիսի ազդեցություն կլինի: Պարոն վարչապետ, պատրաստ չլինելով՝ պարզ է, որ չէիք կարողանալու դիմագրավել ճգնաժամին, մեր խնդիրները հենց այստեղից են սկսվել: Մենք հնարավորին չափ արագ պիտի բարեփոխումներն անեինք, որ կարողանայինք նոր ռեսուրս ստեղծել, արագ դիվերսիֆիկացնել: Հյուսիս-հարավից եք խոսում, բայց պետք է արդեն կիսով չափ կառուցած լիներ, նույնիսկ օրը չեք նշում, այս ծրագիրը չի կարող նույնիսկ 7 տոկոս աճ ունենալ, անկախ նրանից, թե Եվրոպայում ինչ կլինի»:
Այսօր առավոտյան խորհրդարան գալուց առաջ պարոն Օսկանյանը կարդացել էր ԱՄՀ-ի հայաստանյան գրասենյակի տնօրենի հարցազրույցը. «Է, ծափահարում է ձեզ, սա ծիծաղելի է, մեզ այսօր աճ է պետք, պարո՛ն վարչապետ, դուք ընդհանրապես աճի գաղափարը լղոզել եք արդեն»:
Կարդացեք նաև
Դավիթ Հարությունյանը ընդգծեց, որ առաջին անգամ կառավարության ծրագիրն այսքան հետաքրքիր քննարկում է ունենում:
Հռիփսիմե ՋԵԲԵՋՅԱՆ
