Երեկ, երբ ԲՀԿ խոսնակին հարցրինք՝ արդյոք հնարավո՞ր է, որ իրենք այսօր տեղի ունենալիք ԱԺ նիստում ճշգրտում մտցնեն իրենց կարգավիճակում եւ հայտարարեն, որ ընդդիմություն են, Ուրիխանյանը պատասխանեց. «Մենք որեւէ բան չենք հայտարարելու, բացի նրանից՝ ինչ անելու ենք։ Թող մեր քայլերը դաոնան հայտարարություն»։ Մենք փորձել ենք նաեւ ՀՀԿ խմբակցության ղեկավար Գալուստ Սահակյանից ճշտել, թե ինչ է ի վերջո ԲՀԿ-ն, որ դաշտում է պետք նրան դիտել։ «Կա ընդդիմություն կամ իշխանություն, կա դիմություն։ Մեզ մոտ արձանագրված է նաեւ ոչ
ընդդիմություն հասկացությունը»,- ասաց Սահակյանը։ Այսինքն, ի՞նչ է նշանակում՝ ոչ ընդդիմություն, դա ո՞րն է՝ մեր հարցին ՀՀԿ խմբակցության ղեկավարը պատասխանեց. «Այսինքն, երբ տվյալ լծակներ չունի, իշխանություն չէ եւ ոչ էլ ընդդիմություն է համարվում, այլ աշխատում է
կառուցողական դաշտում։ Ժամանակին որ ասում էին՝ լավին լավ ասենք, վատին՝ վատ, մոտավորապես դա է»։
Լուսինե ԲԱՐՍԵՂՅԱՆ
Կարդացեք նաև
«Հայկական ժամանակ»
