Նախագահը սպառնացել է, որ նոր տարեվերջին կառավարության արդյունավետության ցուցիչը լինելու է այն, թե որքանո՞վ է ապահովվել պլանավորված 7 տոկոսանոց տնտեսական աճը և նվազել աղքատության մակարդակը:
Երբ ՀՀԿ համագումարում ելույթ ունենալիս նախագահը փաստացի տնտեսության, սոցիալական ու իրավա-հասարակական համակարգերի փլատակների վրա, ի հեճուկս զգայարան ունեցող ու մտածել կարողացող մասսաների սկսում է նկարագրել առաջընթացներ ու զարգացումներ` ոչ ոք չի կարող հավատալ, որ նորացված այս կառավարության հերթական իրատեսական ձախողումը ևս որպես հաղթարշավ չի մատուցվելու, այն էլ հիմա, երբ նախագահը վերընտրվելու խնդիր ունի: Իսկ վերընտրվող նախագահին «սպասարկող» կառավարությունը չի կարող հաղթանակներ չարձանագրել` նույնիսկ եթե ծրագիր էլ չունենա:
Հետևաբար առաջիկա 7 ամիսներին կառավարությունը ոչ այնքան գործ է անելու, որքան հասարակության «ականջին փլավ է կախելու»` համոզելով, որ վերջինս ապրում է իր երազանքների պետությունում: Սա միակ որոշակի բանն է, որ այս կառավարությունը կարողանում է անել: Եվ նախագահը, ով, թերևս, միակ մարդն է այս երկրում, որ հավատում է սարգսյանական կառավարությանը, չի կարող իրեն թույլ տալ` նկատել վերջինիս ձախողումը, եթե անգամ տնտեսական աճը 7 տոկոս կազմի: Որովհետև նախագահականում ինքնասպաններ, կարծես, չկան:
Կարդացեք նաև
«Երկիր»
