Ո՞վ կնստի այս շենքում գտնվող ամենակարեւոր աթոռին` պարզ կլինի սեպտեմբերին:
Aravot.am –ի հետ զրույցում ՀԱԿ-ի` Գյումրու համակարգող Մուրադ Գրիգորյանը տեղեկացրեց, որ իրենց տեղի գրասենյակը ևս մասնակցելու է ՏԻՄ ընտրություններին, որը կկայանա սեպտեմբերի սկզբին: «Մենք միանշանակ մասնակցելու ենք, թե ինչ կարգավիճակով` քաղաքապետի ՞, ավագանո ՞ւ, թե երկուսը միաժամանակ, դա ժամանակը ցույց կտա: Ժամանակ ունենք քաղաքական հաշվարկ կատարելու, իրավիճակ գնահատելու, երկու ամիսը բավական երկար ժամանակ է` մեր մասնակցության չափն ու ձևը որոշելու համար: Ես մասնակցելու կողմնակիցն եմ », -ասաց Մուրադ Գրիգորյանը:
Նշենք, որ Գյումրու քաղաքապետի պաշտոնի համար բավականին հետաքրքիր անուններ են շրջանառվում` նախևառաջ գործող քաղաքապետ Վարդան Ղուկասյանն է պատրաստվում նորից առաջադրել իր թեկնածությունը` նա բազմիցս կրկնել է այս մասին, ԲՀԿ-ական Սամվել Բալասանյանը ևս չի բացառում իր թեկնածությունը: Շրջանառվում է նաև Գյումրու մանկավարժականի ռեկտոր Վարդևան Գրիգորյանի անունը: Aravot.am-ը պարոն Գրիգորյանից հետաքրքրվեց, թե որքանո ՞ վ է տրամաբանական, որ քաղաքապետի աթոռի համար միաժամանակ պայքարեն երկու ԲՀԿ-ական`Սամվել Բալասանյանն ու ինքը: «Կուսակցության քաղխորհուրդը դեռևս որոշում չի կայացրել, սակայն երկու ԲՀԿ-ականների միմյանց դեմ դուրս գալը բացառվում է: Կուսակցությունը կորոշի ու՞մ թեկնածությունն առաջադրել կամ ընդհանրապես առաջադրե՞լ, թե` ոչ»,- ասաց մանկավարժականի ռեկտորը:
Նունե ԱՐԵՎՇԱՏՅԱՆ
Կարդացեք նաև
