Դարակերտ համայնքի բնակիչ Արթուր Դեմիրճյանին, կառավարությանն ուղղված ՀՀ նախագահ Սերժ Սարգսյանի երեկվա կոչերը՝ գյուղի ու գյուղացու հանդեպ ուշադիր լինելու, ստացված բերքը հավաքելու, պահելու ու իրացնելու հարցում աջակցելու ու հետեւողականորեն գյուղացու կողքին կանգնելու մասին, հավատ չի ներշնչում: «Ինձ թվում է էական փոփոխություն չի լինելու, եթե կառավարության մեջ փոփոխություն լիներ, նոր ուժեր գային իշխանության, հնարավոր է հավատ ներշնչեր, որ ինչ որ մի բան կփոխվի: Բայց չեմ պատկերացնում ոնց է փոխվելու , եթե փոխելու էին, մինչեւ հիմա ով էր նրանց խանգարում. Նույն մարդիկ, նույն իշխանությունը, նույն դեմքերը»,-ասաց Ա. Դեմիրճյանը: Նա հիասթափված է նաեւ ընդդիմությունից, որովհետեւ կարծում էր, որ ընդդիմությունն ամենաշատը պետք է իրենց կողքին կանգներ ու նրանց հուզող հարցերը վերհաներ:
Կառավարության ծրագրերի նկատմամբ հավատ չունեն նաեւ մեր երեւանցի զրուցակիցները: «Որպես հայ մարդ ամաչում եմ, որովհետեւ շատ ավելի վտանգավոր են կիսագրագետները, քան անգրագետները , իսկ կառավարության կազմը հիմնականում կիսագրագետ մարդիկ են»,- կառավարության անդամների մասին նման կարծիքի է ՀՀ քաղաքացին: Նրա համոզմամբ, կառավարության նոր կազմը անորակ, հեռանկար չունեցող բախտախնդիր մարդկանց կազմ է:
Նախկին քաղաքապետ Գագիկ Բեգլարյանի մասին էլ մեզ հետ զրուցող 2 քաղաքացիները հակասական կարծիքի էին: Մեկի համար նախարարը գիտությունների թեկնածու էր, իսկ մյուսը վստահ չէր, թե նախարարը նույնիսկ այբուբենը մինչեւ վերջ գիտի՞, թե՞ ոչ:
Կարդացեք նաև
Արփինե ՍԻՄՈՆՅԱՆ
