Երեկ ՀՀ ոստիկանությունից Aravot.am-ին հայտնեցին, որ ՀՀ ոստիկանապետ, գեներալ-լեյտենանտ Վլադիմիր Գասպարյանը ծառայողական քննություն է նշանակել ՀՀ ոստիկանության քննչական գլխավոր վարչության Շիրակի մարզային բաժնի պետ, գնդապետ Կարուշ Թովմասյանի նկատմամբ: Պատճառը եղել է Aravot.am կայքում հրապարակված « Գյումրիում հնչած կրակոցները խոհարարի պատճառո ՞վ են» վերնագրով նյութը, որտեղ խմբագրության այն հարցին, թե որքանո՞վ են իրականությանը համապատասխանում այն լուրերը, որ Գյումրու ավագանու անդամի վրա կրակողը եղել է Կարուշ Թովմասյանի փեսան, վերջինս իրեն իրավունք էր վերապահել նվաստացնել լրագրողի աշխատանքը:
ՀՀ ոստիկանությունից մեզ հայտնեցին, որ ՀՀ ոստիկանապետը անչափ հետևողական է այսպիսի հարցերի նկատմամբ, և նշանակվել է ծառայողական քննություն, քանի որ ոստիկանության շիրակցի պաշտոնյան խախտել է ոստիկանության էթիկայի կոդեքսը:
Նունե ԱՐԵՎՇԱՏՅԱՆ
