Սահմանադրական դատարանը ժամը 12-ին հրապարակեց մայիսի 6-ի ԱԺ մեծամասնական ընտրակարգով ընտրությունների արդյունքներով 64-Ա որոշման հետ կապված իր որոշումը: Հիշեցնենք, որ ԱԺ մեծամասնական ընտրակարգով այդ որոշումը վիճարկում էր պատգամավորության թեկնածու Դավիթ Մաթեւոսյանը: Գրավոր ընթացակարգով ուսումնասիրելով առկա նյութերը, ՍԴ-ն հայտնեց, որ սահմանադրության համապատասխան կազմվել է 76 տեղամաս, առաջադրել է 4 թեկնածու: Ընտրողների թիվը եղել է 49771: Քվեարկել են 33825-ը: Առկա է եղել 75 անճշտություն, հաղթել է ՀՀԿ անդամ Վահե Հակոբյանը:
Սահմանադրական դատարանը գնահատեց պատասխանողի կողմից ներկայացված փաստարկները, համաձայն որի՝ որեւէ դիմում չի ներկայացվել անճշտությունների վերաբերյալ վերահաշվարկի մասին՝ դիտորներից կամ վստահված անձանցից: Ընդհակառակը՝ դրանք եղել են ենթադրյալ խախտումներ: Իսկ ինչ վերաբերում է Քաջարանում թեկնածուի կողմից բարեգործություն կատարելուն, ապա դա չի հաստատվել, քանի որ մայիսի 3-ին արդեն իսկ բողոքը իրավական գնահատականի չի արժանացել:
ՍԴ-ն նաեւ արձանագրեց, որ իր միջոցով տեղեկություններ ստանալը մերժելի է եւ մերժեց Դավիթ Մաթեւոսյանի բողոքը:
Ռուզան ՄԻՆԱՍՅԱՆ
