«Աքիլլես» ավտովարորդների իրավունքների պաշտպանության կենտրոնի նախագահ Էդուարդ Հովհաննիսյանը Տրանսպորտի եւ կապի նորանշանակ նախարար Գագիկ Բեգլարյանի հետ հույսեր է կապում եւ նրա դիրքորոշումը ոլորտի խնդիրների վերաբերյալ պարզելու համար պատրաստվում է դիմել բոլոր այն հարցումներով, որոնք մերժել է նախորդ նախարարը՝ Մանուկ Վարդանյանը: Պարոն Հովհաննիսյանին հատկապես զարմացրել է նախորդ նախարարի պատասխանը, երբ ինքը խնդրել էր Աշտարակ տանող ճանապարհին սխալ ու ոչինչ չասող նշանի հարցը վերանայել. «Պատասխանը հետեւյալն է. գրել է , որ ֆինանսներ չունենք: Ինչ կապ ունի ֆինանսներ ունենալ-չունենալը այս իրավիճակի հետ»:
Ավտովարորդների իրավունքների պաշտպանության հ/կ նախագահը ոլորտում դեռ շատ խնդիրներ է տեսնում. «Իրենք մի քանի նախաձեռնություններով դուրս են եկել կառավարություն, ոնց որ թե բարելավելու համար, սակայն ինչպես չկա երթեւեկության կազմակերպման օրենսդրությամբ սահմանված պահանջները կատարելը, այդպես էլ մնաց թղթի վրա: Եթե չհաշվենք կենտրոնական ճանապարհները, ապա ճանապարհային նշաններն ու գծանշանները մեզ մոտ դեռ շատ հաց ու պանիր պետք է ուտվի, որ լինեն այնպես եւ համապատասխանեն մեր կառավարության որոշման պահանջներին»:
Կարդացեք նաև
Արփինե ՍԻՄՈՆՅԱՆ
