«ԲՀԿ-ն կիսահղի վիճակում է»,- կարծում է ԱԺ նախկին փոխխոսնակ Կարապետ Ռուբինյանն, որն անցած ընտրություններում ընդգրկված էր «Ժառանգության» համամասնական ցուցակում: Պարոն Ռուբինյանի այս տպավորությունը նրանից է, որ թեեւ «Բարգավաճ Հայաստանը» հայտարարում է, որ ընդդիմություն է, այնուհանդերձ, նախարարական պորտֆել ունի, որքան էլ բացատրություններ հնչեն, թե սպորտը քաղաքականության հետ կապ չունի, ԲՀԿ-ն նաեւ չորս խորհրդարանական հանձնաժողովներում ունի նախագահներ, փոխնախարարներ, մարզպետներ: Ավելին, մեր զրուցակիցը բավականին վիճելի է համարում պնդումը, որ սպորտը քաղաքականության հետ կապ չունի, քանի որ, այդ դեպքում կարելի է ասել նաեւ, որ գյուղատնտեսությունն ու առողջապահությունն էլ քաղաքականության հետ կապ չունեն ու հիշելով ընտրությունների շրջանում տարածված հումորը, որ «Հանրապետական» հիվանդանոց կա «Բարգավաճ» հիվանդանոց չկա, այս ամենին հումորով է վերաբերվում:
«ԲՀԿ-ն ոչ իշխանություն է, ոչ էլ ընդիմություն, որովհետեւ, եթե այդ մարդկանց եւ իրենց պարտնյորների պատկերացրած երկիրը բնութագրենք, ինչքան էլ Սերժի դուրը չգա` երկիրը երկիր չի»:
Ի դեպ, վաղը կայանալիք խորհրդարանի արտահերթ նիստում ակնկալվում է, որ ԲՀԿ-ն հայտարարությամբ կհստակեցնի իր կարգավիճակը քաղաքական դաշտում: Այսօր կայանալիք ԲՀԿ խմբակցության նիստում ակնկալվում է, որ քննարկվելու են հենց այդ եւ կառավարության ներկայացնելիք տնտեսական ծրագրին վերաբերվող հարցեր:
Նելլի ԳՐԻԳՈՐՅԱՆ
Կարդացեք նաև
