Սոցիալապես անապահով խավի համար վերջին տարիներին գազի սակագինը կառավարությունը սուբսիդավորում է: Գազի բարձր գնից պարբերաբար դժգոհում են նաեւ ֆերմերները: Aravot.am-ը ֆերմեր Վարուժան Խոդեդանյանից հետաքրքրվեց՝ ինչո՞ւ կառավարությունը նրանց եւս չի աջակցում ու արդյոք նման պահանջով իրենք դիմել են: «Շատ ենք ասել այդ հարցով: Ասել ենք ոչ թե սուբսիդավորեք, համաձայն ենք այն բանին, որ վաճառենք նոր փողը տանք, ոչ թե ամեն ամիս մեզնից փող ուզեն: Այսինքն երեք ամիս մեզ դոտացիոն եղանակով գազ տան, դրան չեն համաձայնում»: Պարոն Խոդեդանյանի խոսքերով, կառավարության բարեփոխումների ծրագիրը ոչ մի կերպ չի առնչվում ջերմատնային տնտեսությունների զարգացմանը.«Ընդհանրապես չի ազդել»:
Արփինե ՍԻՄՈՆՅԱՆ
