«Վարդան Օսկանյանի դեմ քրեական գործ է հարուցվել, ուստի ես չեմ կարող որևէ բան ասել՝ խախտելով Օսկանյանի անմեղության կանխավարկածը: Քրեական գործի քննությունը կպարզի՝ Օսկանյանի կատարածը զանցա՞նք է, թե՞ հանցանք: Ես ուզում եմ կարծել, որ զանցանք է»,-այսօր լրագրողների հետ հանդիպման ժամանակ հայտարարեց ՀՀԿ-ական պատգամավոր Մկրտիչ Մինասյանը:
Նա անդրադարձավ նաև ՀՀ նորանշական կառավարության գործունեությանը և տեղեկացրեց. «Շարունակվում են պահպանվել այն հիմնական սկզբունքները, որոնք կառավարությունը որդեգրել էր սոցիալ-տնտեսական և մյուս բոլոր ոլորտներում տարվող աշխատանքների առումով: Իսկ նոր ծրագիրը կներկայացվի հունիսի 20-ին»:
Պարոն Մինասյանը՝ պատասխանելով որոշ ոլորտներում ետ մնալու՝ ՀՀ-ում գրանցված իրավիճակին վերաբերող հարցին, նշեց. «2008-2011 թվականներին, երբ որոշ դեպքերում ՀՀ-ն ինչ-ինչ ծրագրերի առումով ետ էր մնում, դա կապված էր համաշխարհային ճգնաժամի հետ»:
Կարդացեք նաև
Մ. Մինասյանն ասուլիսի ընթացքում խոսեց նաև այսօր Փարիզում կայանալիք՝ ՀՀ-ի և Ադրբեջանի ԱԳ նախարարների հանդիպման մասին և նկատեց. «Սա մի հանդիպում է, որ տեղի է ունենալու Ադրբեջանի կողմից շփման գծում դիվերսիոն գործողությունների ֆոնի վիա: Հայաստանի ԱԳ նախարարի համար որպես հանդիպման բնաբան կլինի ՀՀ նախագահի կոշտ դիրքորոշումը: Շարունակվելու է Մինսկի խմբի երեք հիմնական սկզբունքների պահպանմանն ուղղված քաղաքականությունը: Չեմ կարծում, թե կոնֆլիկտը հենց վաղը տապոռով կլուծվի, այն զգայական պրոցես է և ժամանակ է պահանջում»:
Տաթև ՀԱՐՈԻԹՅՈՒՆՅԱՆ
