«Ինչու եք դուք այդքան ջանասիրաբար պնդում, որ կա քաղաքական ենթատեքստ»,- այսօր «Հայելի» ակումբում հարցրեց ՀՀԿ պատգամավոր Գագիկ Մինասյանը՝ Վարդան Օսկանյանի հայտնի խնդիրների մասին՝ կապված «Սիվիլիթաս» հիմնադրամի հետ:
Aravot.am-ը պարոն Մինասյանից հետաքրքրվեց՝ նախընտրական շրջանում ԲՀԿ-ից 2 մարդ կար, որ շարունակ քննադատում էին ՀՀԿ-ին. մեկը՝ Վարդան Օսկանյանն էր, որը հիմա նման խնդիրներ ունի, մյուսը՝ Հմայակ Հովհաննիսյանը, որի դեմ հիմա 3 քրգործ է հարուցվել, այսքանից հետո չե՞նք կարող ասել, որ կա քաղաքական ենթատեքստ եւ որ ՀՀԿ-ն սրանով ուզում է նրանց բերանները փակել՝ նա պատասխանեց. «Այդ ամենը չպետք է Ձեզ հիմք տա, որ խնդիրը քաղաքական ենթատեքստ ունի, ես ուզում եմ հրավիրել այս հանգամանքին ուշադրություն դարձնելու: Եթե կա իրավական գործընթաց եւ նա դեռ չի ավարտվել, կա այդ գործընթացում նաեւ քաղաքական գործչի մասնակցություն, չկա որեւէ հիմք պնդելու, որ քաղաքական ենթատեքստ ունի խնդիրը: Չեմ բացառում, որ երբ իրավական գործընթացն ավարտվի, Ձեր հարցադրումները հիմք ունենան: Ի՞նչն է, որ խանգարում է, համոզում չի տալու այն մարդկանց, ովքեր այդ գործընթացի հետ կապ ունեն, իրենց անմեղությունը ապացուցելու»:
Պարոն Մինասյանը տեղյակ չէր, թե ինչ քրգործեր են հարուցվել Հմայակ Հովհաննիսյանի դեմ: Երբ տեղեկացրինք, որ կնոջը խփելու, շենքային խնդիրների համար, լրագրողները հիշեցին Սյունիքի մարզպետ Սուրեն Խաչատրյանին ու նրա անպատժելիությանը, ինչին Գագիկ Մինասյանը պատասխանեց. «Ես համոզված չեմ, որ կինը դատական հայց է ներկայացրել»:
Հռիփսիմե ՋԵԲԵՋՅԱՆ
Կարդացեք նաև
